رخسار د محمد صلی الله علیه و آله وسلم

رخسار د محمد^{صلی الله علیه و آله وسلم}

شادابه تر قیامته دی ګلزار د محمد^{صلی الله علیه و آله وسلم}

تفسیر د والضحی دی سپین رخسار د محمد^{صلی الله علیه و آله وسلم}

موسوم شو په طه او په یسن او په لولاک

سر خم یې په قدم شول عرس کرسی لوح او افلاک

مثبت دی دواللیل د زلفو تار د محمد^(ص)

تفسیر د والضحی دی سپین رخسار د محمد^(ص)

حضرت چې د سپین مخ نه کړ اوچت شال د یسین

ذرې د کاینات یې رنګینه شوې له جبین

شامل له عناصرو شول انوار د محمد^(ص)

تفسیر د والضحی دی سپین رخسار د محمد^(ص)

یو شپه لیلة القدر یې کړ عطا ورته اعزاز

تر واړو انبیاو مو حضرت شولو ممتاز

الله خپله رضا کړله کردار د محمد^(ص)

تفسیر د والضحی دی سپین رخسار د محمد^(ص)

حمزه سر د نیاز یې لره تل په در کې خم

حضرت ته وسیله چې بې نوا کړې نشته غم

غم خو ر دې د امت آل اطهار د محمد^(ص)

تفسیر د والضحی دی سپین رخسار د محمد^(ص)

ټیګونه:

له ملگرو سره یي شریک کړئ.

sn_facebook sn_googleplus sn_telegram sn_whatsapp sn_twitter

ستاسې رالېږل شوې لیدلوری به د اندیال وېبپاڼې تر تایید روسته خپرېږي.

هغه پېغامونه نه خپرېږي، چې منځپانګه یې تورونه او کنځل وي.

هڅه وکړئ، په پښتو پېغامونه راواستوئ.

ددې مطلب په اړه خپل لیدلوری نشئ لیکلی!